புன்னகை

விண்ணில்
நட்சத்திரங்கள் துளிர்த்தது.
மண்ணில்
நீ புன்னகையை
சிதற விட்டத்தினால்..

 

அழகு

நீ என் 

தாய்மொழியில்  

பேச முற்படும் 

போது  

எல்லாம் 

உன்னால் 

என் தமிழ் அழகும்,

என் தமிழால்

உன் அழகும்,

மெருகேறுகின்றன...

புனிதம்...

மண்ணை

நெருங்கும் முன் 

மழைத்துளியும்,

மனிதனும்  

புனிதமே...

இயல்பு..

கடலும், பெண்களும்
ஒன்று தான்
இரண்டும்
உயிர் உள்ள
நம்மை
உள்ளே இழுத்து,
உயிர் அற்ற
பொருட்களாய்
வெளியே
தள்ளி விடும்...

NH

ரோட்டின்
ஓரங்களில் இருந்த
மரங்களை வெட்டி
ரோட்டின்
நடுவே செடிகளாக
நடப்பட்டது...
தேசிய நெடுஞ்சாலை.

பயணம்

நிற்பதை விட
நடப்பது மேல்..

தேங்கி நிற்க
நான்
குட்டை அல்ல..

என் பயணங்கள்
என்றும்
நிற்பதும் இல்லை.

நினைவுகள்

ஒவ்வொரு நிமிடமும்
நினைத்துக்
கொண்டே இருக்கிறேன்..
மறக்க வேண்டிய
நிமிடங்களை...

மறக்க நினைக்கும்
எல்லா நினைவுகளும்
அந்த பொழுது
நினைவுட்டப்படுகின்றன.

நம்பிக்கை

நாளை
இந்த
சமுகத்தின்
தலை எழுத்தை
திருத்தும்..











என் விரலில்
இடம்பெறப் போகும்
அந்த ஒற்றை
மைத்துளி.

எல்லோருக்கும் உண்டு எல்லை..

நாட்டின் எல்லை
கோட்டில் முடிகிறது.

மனிதனின்
எல்லை அவன்
வீட்டோடு
முடிகிறது.

எல்லைகள்
இல்லாதவன் இருப்பானாயின்
அவன் இருப்பிடம்
இல்லாதவனாகவே
இருப்பான்.

இல்லங்கள்
பெருக பெருக
இல்லாதவனின் எல்லையும்
குறைகிறது.

இறைவா..
நித்தமும் தவம்
செய்து வேண்டுவேன்
உன்னை

"இல்லங்கள் இல்லா
 உலகம் வேண்டும்.
உலகமே
ஒரே இல்லமாய்
மாறிடல்  வேண்டும்..."

நான்...

ஊரில்
விவசாயம்
பார்க்காமல்
நகரம் வந்தவன்
நான்..

 என்னை FACEBOOK–ல்
 FARMVILLE
விளையாட அழைக்கிறார்கள்.

நான்
புதுமையை
விரும்பினேன்.
 
ஆனால்,
நான் புரட்சிக்காரன்
அல்ல.

எனக்கு
புரட்சியும் வேண்டாம்,
ஒரு வெங்காயமும் வேண்டாம்.

 புரட்சி 
ஏழைகளுக்கானது,
வெங்காயம் 
பணக்காரனுக்கானது .

இரண்டாலும்
ஆட்சியை 
வேண்டுமானாலும்
மாற்றலாம்.

 ஆனால்,
இங்கே
மனிதனின்
மாற்றமே
தேவைப்படுகிறது.

அம்மணம் ஆன
ஊரில்
கோவனம்
காயாது.

சுயநலவாதி
என்பாய்..
இருந்து 
விட்டுப்போகிறேன்.

எனக்கு
யாரையும்
இழக்கவும் 
விருப்பம் இல்லை,
எதையும்
அடையவும் 
விருப்பம் இல்லை.

நான்
பொது வாழ்க்கையை
விரும்பவில்லை,
பொதுவான
வாழ்க்கையை
விரும்புகிறேன்,
எல்லோருக்கும்மாக....

வங்க கடல்..

வங்க கடலில்
கங்கை 

மட்டும் அல்ல..

எங்கள் பெண்டிரின்
கண்ணீரும்,
எங்களது இரத்தமும்
கலக்கிறது.

மனிதனின் 

மனம்
கருப்பானதால்
கடலின்

நிறம்
சிவப்பாகிறது.

DEAD SEA

கடற்கரையில்
கால் நனைக்க
தயங்குகிறேன்.
அலைகள் எல்லாம்
இரத்தம்.

வங்க கடலில்
 அங்கங்கள் மிதக்கின்றன.

மீன்கள் இறந்ததால்
அங்கே..
மீனவர்கள் இறப்பதினால்
இங்கே..

வெகு அருகில்
மற்றொரு 

"DEAD SEA" 

புதையலைத் தேடி ...

உறக்கம்
வராத
இரவுகளில் கூட
உறங்கச்செல்கிறேன்
புதைந்த
 உன் 
நினைவுகளைத் தேடி...

காந்திய ‘வியாதி’

காந்தியடிகளிடம்

இருந்து

நாங்கள்

அஹிம்சையை 

அதிகமாக 

கற்றுக்கொண்டோம்.

600 பேர் இறந்தும் 

இன்னும்

அமைதியாக 

இருக்கிறோம்.

நாங்கள்

காந்தியவாதிகள்...

உழவர் தினம்

 

உண்ண
உணவு இல்லாமல்
உழவன்
இருக்கையில் 

நான் மட்டும்
எப்படி
கொண்டாடுவேன் 
உழவர் தினத்தை ?

உழவன்

விளை நெல்லுக்கு

விலை பேச 

முடியாதவர்,

எலிக்கறி தின்கிறார்,

இன்று...

தன் பண்டிகையை

நமக்கு

விடுமுறையாக

தந்து விட்டு

ரேஷனில்

கையேந்தி நிற்கிறார். 

அவருக்கும் சேர்த்து
பாடினேன்

"பொங்கலோ பொங்கல்”

உங்களுக்கும்
கூறுகிறேன்
"Happy Pongal" 
என்று...

நீயும்.. நானும்...

இலையுதிர்
காலத்தில் 
எல்லாம்
இலை 
உதிர்வதை
ரசித்தேன்..


இன்று
நீ
பிரியும் போது
உணர்கிறேன்,
அந்த
மரத்தின் வலியை...

சந்திப்பிழை

சந்திப் பிழைகளை
எழுத
நினைத்த
என்
எழுத்துக்களிலும்
அதே பிழை....